Shkupi është përsëri ndër qytetet më të ndotura në botë. Smogu ka mbuluar kryeqytetin prej ditësh dhe qytetarët thithin ajër me përqendrime të grimcave PM shumë mbi nivelin e lejuar. Një protestë u mbajt më 31 janar nën sloganin “Ndalo USJE-n”, gjatë së cilës qytetarët dhe aktivistët akuzuan fabrikën e çimentos TITAN-USJE si ndër burimet kryesore të ndotjes. Protestuesit kërkuan mbikëqyrje më të rreptë, matje transparente mjedisore dhe llogaridhënie më të madhe institucionale, duke theksuar se shëndeti publik nuk duhet të sakrifikohet për prodhimin industrial.
